Loading...
Celebrity Special

പാർവതിയെ കല്യാണം കഴിക്കാൻ ഭാര്യ സമ്മതിച്ചില്ല; എനിക്ക് ധൈര്യവും ഇല്ലായിരുന്നു; നിർമാതാവും നടനുമായ ദിനേഷ് പണിക്കർ..!!

Written by Online Desk

സിബി മലയില്‍ ലോഹിത ദാസ് കൂട്ടുകെട്ടില്‍ 1989 ല്‍ പുറത്തിറങ്ങിയ കിരീടം എന്ന സിനിമ നിര്‍മ്മിച്ചത് ദിനേശ് പണിക്കരായിരുന്നു. നിര്‍മ്മാണം മാത്രമല്ല ആ ചിത്രത്തില്‍ അഭിനയിക്കാനുള്ള അവസരവും ആ നാളുകളില്‍ അദ്ദേഹത്തെ തേടിയെത്തിയിരുന്നു. മോഹന്‍ലാലിന്റെ കരിയറിലെ എക്കാലത്തെയും മികച്ച ചിത്രങ്ങളിലൊന്നായ കിരീടത്തില്‍ മോഹന്‍ലാലും പാര്‍വതിയുമായിരുന്നു പ്രധാന വേഷങ്ങളില്‍ എത്തിയത്.

കണ്ണീര്‍പ്പൂവിന്റെ കവിളില്‍ തലോടി എന്ന ഗാനരംഗത്തില്‍ പാര്‍വതിക്കൊപ്പം അഭിനയിക്കാന്‍ ആദ്യം സംവിധായകന്‍ പരിഗണിച്ചത് ദിനേശ് പണിക്കരെയായിരുന്നു. എന്നാല്‍ ഗാനരംഗം ഷൂട്ട് ചെയ്യുന്നതിന് മുമ്പ് തന്റെ കഥാപാത്രത്തെക്കുറിച്ച് അദ്ദേഹം ഭാര്യയോട് പറഞ്ഞു. കിരീടത്തില്‍ അഭിനയിക്കാന്‍ തനിക്ക് അവസരം കിട്ടിയെന്നാണ് ഭാര്യയോട് പറഞ്ഞത്.

പാര്‍വതിയുടെ ഭര്‍ത്താവായി അഭിനയിക്കാന്‍ പോവുകയാണെന്ന് തമാശ രൂപേണയാണ് പറഞ്ഞത്. എന്നാല്‍ എന്തുകൊണ്ടോ ഭാര്യയ്ക്ക് അത് തമാശയായി തോന്നിയില്ല. ആ രംഗത്തില്‍ അഭിനയിക്കാന്‍ അവര്‍ സമ്മതിച്ചില്ല. സ്വന്തം സിനിമയില്‍പ്പോലും അഭിനയിക്കാനുള്ള ധൈര്യം താന്‍ കാണിച്ചിരുന്നില്ല എന്നതാണ് സത്യമെന്നും ദിനേശ് തുറന്നു പറയുന്നു. അഭിനയിക്കാന്‍ അറിയില്ലായിരുന്നു തനിക്ക്.

കിരീടത്തിലെ വേഷം അഭിനയ പ്രാധാന്യമുള്ളതായിരുന്നില്ല. ഗാനരംഗത്തില്‍ പാര്‍വതിയുടെ കൈ പിടിച്ച് നടന്നാല്‍ മതിയായിരുന്നു. ഭാര്യ സമ്മതിക്കാത്തതിനാല്‍ ആ രംഗത്ത് അഭിനയിക്കാന്‍ വേറെ താരത്തെ കൊണ്ടുവരികയായിരുന്നു. പണിക്കര്‍ പറയുന്നു. ഒരു പ്രമുഖ മാധ്യമത്തിന് നൽകിയ അഭിമുഖത്തിൽ ആണ് താരത്തിന്റെ വെളിപ്പെടുത്തൽ.

About the author

Online Desk