Loading...
Fashion

കിടിലന്‍ മെക്കോവറില്‍ ഹരിശ്രീ അശോകന്‍

Written by Revathi

മലയാള സിനിമ കണ്ട എക്കാലത്തെയും മികച്ച കോമഡി താരങ്ങളില്‍ ഒരാളാണ് ഹരിശ്രീ അശോകന്‍. സ്വതസിദ്ധമായ ശൈലി കൊണ്ട് ഹരിശ്രീ അശോകന്‍ പ്രേക്ഷകരെ രസിപ്പിച്ചു കൊണ്ടേയിരിക്കുന്നു. പഞ്ചാബി ഹൌസ്, പറക്കും തളിക, സി ഐ ഡി മൂസ തുടങ്ങിയ ഒട്ടേറെ സിനിമകളിലെ ഹരിശ്രീ അശോകന്‍റെ വേഷങ്ങള്‍ ആരും മറക്കില്ല.

ഈ വര്‍ഷം ഹരിശ്രീ അശോകന്‍ ആരാധകര്‍ക്ക് സന്തോഷം നല്‍കുന്ന ഒന്ന്‍ കൂടെയായിരുന്നു. ഹരിശ്രീ അശോകന് ഏറെ ആരാധകര്‍ ഉള്ള പഞ്ചാബി ഹൌസിലെ രമണന്‍ തിരിച്ചു വന്ന വര്‍ഷം കൂടെയായിരുന്നു ഇന്ന്‍..

റോള്‍ മോഡല്‍സ് എന്ന ഫഹദ് ഫാസില്‍ ചിത്രത്തിലൂടെയായിരുന്നു രമണന്‍റെ തിരിച്ചു വരവ്. ചിത്രം ബോക്സോഫീസില്‍ പരാജയപ്പെട്ടെങ്കിലും ഹരിശ്രീ അശോകന്‍റെ കഥാപാത്രം ശ്രദ്ധിക്കപ്പെട്ടു.

ഇപ്പോള്‍ ഹരിശ്രീ അശോകന്‍റെ ഒരു ചിത്രം സോഷ്യല്‍ മീഡിയയില്‍ ഹിറ്റ് ആയികൊണ്ടിരിക്കുകയാണ്. പുത്തന്‍ മേക്കോവറിലാണ് ഈ ചിത്രത്തില്‍ ഹരിശ്രീ അശോകന്‍ എത്തിയത്.

കോട്ട് അണിഞ്ഞ് സ്റ്റൈലിഷ് ലുക്കിലാണ് ഹരിശ്രീ അശോകന്‍ ഈ ചിത്രത്തില്‍. ഫ്ലാഷ് മൂവി മാഗസീന് വേണ്ടി നടത്തിയ ഹരിശ്രീ അശോകന്‍റെ ഫോട്ടോ ഷൂട്ട് ചിത്രമാണിത്.

About the author

Revathi